आज क्रिसमस डे मनाइँदै, चिनियाँ सहरहरुमा प्रतिबन्ध

Wednesday, December 25th, 2019


काठमाण्डौ : आज डिसेम्बर २५ तारिख, इसाई धर्माबलम्बीले चर्चमा प्रार्थना लगायत कार्यक्रम गरी क्रिसमस मनाउँदैछन् ।क्रिसमस डेुका अवसरमा नेपालमा पनि सरकारले सम्बन्धित धर्मालम्बीहरूलाई आज सार्वजनिक बिदा दिएको छ ।
इशाई धर्मका संस्थापक येशू ख्रीष्टको जन्मजयन्तीका अवसरमा क्रिसमस मनाउने गरिन्छ । क्रिसमसका अवसरमा येशूको शिक्षा एवं उपदेशको चर्चा गरिनुका साथै प्रेम प्रकट गर्दै उपहार आदानप्रदान गर्ने, शान्ति, सद्भाव, समृद्धि र सु–स्वास्थ्यको कामना गरी हर्षोल्लासका साथ मनाउने गरिन्छ ।
नेपालमा इसाई धर्मको इतिहास चार सय वर्षभन्दा पुरानो रहेको र अहिले नेपालमा १२ हजार ५ सय चर्च रहेको राष्ट्रिय ख्रीष्टियन महासंघले जनाएको छ ।
काठमाण्डौको ठमेल, बौद्ध, ललितपुर, भक्तपुर, पोखरा लगायतका स्थानमा आज विशेष कार्यक्रम हुँदै छ । दुई हजार वर्षअघि जेरुसेलमको बेथलेहममा कन्या मारियमको कोखबाट येशूको जन्म भएको मानिन्छ ।
चिनमा प्रतिबन्ध
धेरै देशमा आज क्रिसमस मनाइदै गर्दा छिमेकी राष्ट चिनियाँ सहरहरुमा भने क्रिसमस प्रतिबन्ध लगाइउको छ । २०१९ को क्रिसमसमा सान्टा क्लजलाई चिनियाँ सहरमा स्वागत छैन । चीनमा स्थानीय अधिकारीले यस वर्ष क्रिसमसका सबै चीजहरुमा प्रतिबन्ध लगाएका छन् । स्थानीय अधिकारीहरुले जारी गरेको सूचना अनुसार, सरकारी कर्मचारीले सार्वजनिक क्रिसमस प्रदर्शन र उत्सव समारोहको बारेमा आफूभन्दा उच्च पदमा सूचित गराउनु पर्नेछ । क्रिसमस सम्बन्धी कुनै सामाग्री बेच्नेलाई पनि प्रतिबन्ध लगाइएको छ ।
यसलाई चिनियाँ राष्ट्रपति सिन चिन फिङको धर्म र विदेशी संस्कृतिविरुद्ध लडाई अभियानको रुपमा हेरिएको छ । क्रिसमसलाई स्थिरता कायम राख्ने नाममा र सामाजिक अशान्तिलाई हटाउने नाममा प्रतिबन्ध लगाइएको हो । जुन चिनियाँ सरकारको लागि ठूलो महत्वको विषय हो ।

संसारको सबैभन्दा धेरै जनसंख्या भएको चीनमा इसाइ धर्म मान्नेको संख्या ५ प्रतिशत मात्र छ । तर त्यसले गैर इसाइलाई रमाइलो गर्न र पैसा खर्च गर्न रोक्दैन । भोज, किनमेल, नाचगान र काराओके गाउँदै चीनमा क्रिसमस मनाउने चलन छ । चिनियाँहरुले आफ्नै क्रिसमसको परम्परा पनि आविष्कार गरेका छन् । क्रिसमस इभमा स्याउ खाने गर्छन्, जसले शुभ साइतको संके गर्छ ।
हुनान प्रान्तमा केही अन्डरग्राउन्ड चर्च बन्द गरिएको छ । साथै गत वर्ष डिसेम्बरमा हुनान प्रान्तको युनिभर्सिटी अफ दक्षिण चीनको कम्युनिस्ट पार्टी युथ लीगका सदस्यलाई आचार संहितामा हस्ताक्षर गर्न भनिएको थियो । जसमा उनीहरुले क्रिसमससँग सम्बन्धीत समारोमा भाग नलिनू लेखिएको थियो । लाङफाङका अधिकारीले जारी गरेको सूचना अनुसार, क्रिसमस सम्बन्धीत सामग्रीहरु जस्तै क्रिसमस ट्री, टोपी, पुष्पहार, मोजा र सान्टा क्लज बेच्ने र किन्ने दुबैलाई सजाय हुनेछ ।
एम्नेस्टी इन्टरनेशनलका चीनका अन्वेषक पैट्रिक पुनले एक अन्तवार्तामा भनेका थिए कि चर्चमा हालसालै छापा मारेको थियो । जसले इसाइप्रति सरकारको दृष्टिकोण झल्काएको छ । साथै हेबिइका अधिकारीले उठाएको कदम सम्भवत बेइजिङलाई प्रभावित गर्ने उद्देश्यले गरिएको थियो।

 

Facebook comments

फोटो फिचर

Social

Pin It on Pinterest