बससँग ठोक्किँदा अटो रिक्सा चालकको मृत्यु

Thursday, March 12th, 2020

नेपालगञ्ज :बाँकेको कोहलपुरमा बससँग ठोक्किँदा अटो रिक्सा चालकको मृत्यु भएको छ । कोहलपुरको ट्राफिक प्रहरी कार्यालय अगाडि बिहीबार बिहान भएको सो दुर्घटनामा नौ जना घाइते भएका छन् ।
दुर्घटनामा वैजनाथ–२ का अटो रिक्सा चालक जयबहादुर रोकाको मृत्यु भएको इलाका प्रहरी कार्यालय कोहलपुरले जनाएको छ ।
भे १ ख २१२९ नम्बरको बस र भे १ ह १६५३ नम्बरको अटो रिक्सा बिहान करिब आठ बजे ठोक्किएका थिए ।बस चालक कोहलपुर नगरपालिका–११ का विवेक सिंहलाई प्रहरीले नियन्त्रणमा लिएको छ ।

यसैबीच बाँकेको बैजनाथ गाउँपालिका– ५ मा हिजो बेलुकी भे ६ प ७२४१ नम्बरको मोटरसाइकलले ठक्कर दिँदा सोही ठाउँका पैदलयात्री ५५ वर्षीय दिल बहादुर पुनको मृत्यु भएको छ ।यस्तै नवलपरासी बर्दघाट सुस्ता पश्चिमको प्रतापपुर गाउँपालिका ७ सुर्यपुरामा हिँजो बेलुकी भारतीय नम्बरको मोटरसाइकल र लु ३२ प ३९०६ नम्बरको मोटरसाइकल आपसमा ठोक्किँदा बर्दघाट नगरपालिका १५ कुकुरमाराका ३५ वर्षीय राजन सुनारको मृत्यु भएको छ । घाइते भएका २ जनाको चौपत्तास्थित शहिद स्मृति सामुदायिक अस्पतालमा उपचार भइरहेको छ ।

 

 

Facebook comments

फोटो फिचर

Social

Pin It on Pinterest