महामारीकाबीच २०२० मा १८१ भन्दा बढी देशका नागरिकले नेपाल भ्रमण गरे

Tuesday, January 5th, 2021

काठमाडौंःकोरोना महामारीकाबीच गत वर्ष ९सन् २०२००मा १८१ भन्दा बढी देशका नागरिकले नेपाल भ्रमण गरेको पाइएको छ।गृह मन्त्रालयअन्तर्गतको अध्यागमन विभागले हालै सार्वजनिक गरेको तथ्याङ्कअनुसार २०२० मा नेपाल भ्रमण गर्नेमा सबैभन्दा बढी भारतीय र चिनियाँ नागरिक रहेका छन्।

गत वर्ष त्रिभुवन अन्तर्राष्ट्रिय विमानस्थल ९टीआइए० र ११ वटा स्थल नाकाबाट कूल दुई लाख ३० हजार ८५ जना विदेशी नेपाल भित्रिएका थिए।नेपाल भित्रिने विदेशीमध्ये एक लाख ८३ हजार १३० जना टीआइए र ४६ हजार ९५५ जना ११ वटा स्थल नाकाबाट आएका थिए।अध्यागमन विभागको तथ्याङ्‍कअनुसार गत वर्ष नेपालमा सबैभन्दा बढी भारतबाट पर्यटक आएका थिए। ४० हजार ३३६ जना भारतीयले गत वर्ष नेपाल भ्रमण गरेको देखिन्छ।

नेपाल आएका विदेशीमध्ये एक लाख २१ हजार ४७५ जना पुरुष र १ लाख ३ हजार ४६५ जना महिला रहेका थिए। नेपाल भित्रिएका चार हजार ५९५ जनाको भने पहिचान खुलेको छैन।अध्यागमन विभागको तथ्याङ्‍कअनुसार गत वर्ष नेपालमा सबैभन्दा बढी भारतबाट पर्यटक आएका थिए। ४० हजार ३३६ जना भारतीयले गत वर्ष नेपाल भ्रमण गरेको देखिन्छ।

यस्तै, गत वर्ष २० हजार ९११ म्यानमारी, २० हजार ७७८ जना थाई, १९ हजार २५७ जना चिनिया, १७ हजार ७६७ जना अमेरिकी, १३ हजार ३२८ जना श्रीलंकन, ११ हजार ७६२ जना बेलायती, ६ हजार ९४४ जना दक्षिण कोरियाली, ६ हजार ७९३ जना अस्ट्रेलियनले नेपाल भ्रमण गरेका थिए।

सन् २०२० मा नेपाल आउने अन्यमा पाँच हजार ५९९ जना जापानिज, चार हजार ९१७ जना बंगलादेशी, चार हजार ५४० जना फ्रेन्च, तीन हजार ४६० मलेसियन, तीन हजार १०२ जना क्यानेडियन, दुई हजार ९८२ भियतनामी, दुई हजार ५६३ जना डच, दुई हजार १३९ जना भुटानी र बाँकी अन्य देशका नागरिक छन्।
अध्यागमन विभागका अनुसार गत वर्ष दुई लाख ४५ हजार ५५७ जना विदेशी पर्यटक नेपालबाट स्वदेश फर्केका थिए। यसरी फर्कनेमा एक लाख २८ हजार १७१ जना पुरुष र एक लाख १० हजार ६५२ जना महिला रहेका थिए। नेपाल फर्कने ६ हजार ७३४ को भने पहिचान खुलेको छैन।

नेपालबाट फर्कनेहरूमध्ये दुई लाख दुई हजार ६२८ जना टीआइए र ४२ हजार ९२८ जना विभिन्न ११ स्थल नाकाबाट स्वदेश फर्केका थिए।सन् २०२० लाई नेपाल सरकारले ‘नेपाल भ्रमण वर्ष’ घोषणा गरेको थियो। उक्त वर्ष नेपालले २० लाख पर्यटक भित्र्याउने लक्ष्य राखेको थियो। पहिलोपटक सन् २०१९ डिसेम्बर अन्तिम साता चीनको उहानमा देखिएको कोरोना भाइरसले सन् २०२० को सुरूआतसँगै महामारीको रूप लिएपछि सरकारले ‘नेपाल भ्रमण वर्ष’ लाई स्थगित गरेको थियो।

कोरोना महामारी सुरू भएपछि सरकारले २०२० मार्च २४ बाट तीन महिनासम्म लकडाउनको घोषणा गरेको थियो। लकडाउनसँगै अन्तर्राष्ट्रिय उडानमा लागेको रोक अझै कोरोनाकै कारण खुल्न सकेको छैन।सरकारले लकडाउन गर्नुअघि सन् २०२० जनवरीमा १७२ देशबाट ६५ हजार ९८३ जना, फेब्रुअरीमा १८१ देशबाट ७७ हजार ६४ जना र मार्चमा १६६ देशबाट ३४ हजार २५ जना पर्यटक नेपाल भित्रिएका थिए।

 

Facebook comments

फोटो फिचर

Social

Pin It on Pinterest