महिनावारी हुँदा तीन दिन तलबी बिदा

Saturday, December 29th, 2018

महिनावारी भएका बेलामा तलब नकाट्टिने गरि महिलालाई विदा दिने ब्यवस्था इटालीमा गरिँदैछ । यस्तो कानुन बनेमा महिनावारी भएका महिलालाई बिदा दिने इटाली युरोपमै पहिलो देश हुनेछ । महिनावारी भएका बेलामा तल्लो पेट, कम्मरआदिको दुखाईका कारणले हुने डिस्मेनोरियाबाट प्रभावित महिलालाई करिव तीन दिनसम्म विदा दिने विषयमा त्यहाँका सांसदहरु छलफलमा रहेका छन् । यस्तो सुविधा सबै महिलाले भने पाउने छैनन् । यसका लागि डाक्टरबाट प्रमाणित कागजपत्र पेश गर्नुपर्नेछ । ती कागजलाई बर्षेनि नविकरण गर्नु पर्ने जरुरी हुन्छ ।

वासिङ्टन पोस्टका अनुसार युरोपमा कामकाजी महिलालको संख्या ७२ प्रतिसत छ । इटालीमा भने ६१ प्रतिसत महिला कामकाजी छन् । यति ठूलो संख्यामा महिला कामकाजी भएकाले पनि देशले डिस्मेनोरियाका विरामीलाई विदा दिने नियम ल्याउन लागेको हो ।  डिस्मेनोरियाको अन्य लक्षणमा झाडा पखला, वाकवाकी आउने, ढाड दुख्ने आदि पनि पर्छन् । कम तौल भएका महिला, अनियमित र धेरै रक्तश्राव हुने महिलालाई यो समस्याले सताउँछ ।
जापान, ताइवान, दक्षिण कोरिया र इन्डोनेसियामा महिनावारी भएका बेलामा तलबी बिदा दिने नियम पहिलेदेखि नै बनिसकेको छ । -एजेन्सीको सहयोगमा

Facebook comments

फोटो फिचर

Social

Pin It on Pinterest